Literatuur

Gepubliceerd op 22 november 2014 | door Webloug

0

Harm de Jonge en Annie Mekel winnen Pervinzioale Schriefwedstried

t Was weer volle bak, vrijdag 21 november, bie priesoetlangen van de Pervinzioale Schriefwedstried 2014 ien categorie 18+. Henk Scholte prizzenteerde de oavend en veur de muziek zörgde Marlene Bakker mit heur band.

Kor Dijkstra langde priezen oet. Aan t ind van oavend hil e t bouk omhoog woarien ale ienzendens te lezen binnen. De jury beston oet: Wim Bastiaanse, Douwe van der Bijl en Bert Huizinga.
Ien categorie poëzie ging eerste pries noar t gedicht ‘Dreum’ van Annie Mekel. Twijde pries was veur ‘Toscane’ van Berrus Spelde (foto) en daarde pries was veur ‘Dement’ van Ina de Raad. Vaaierde pries won Martin Roukes mit ‘Laif’ en mit ‘Op weg noar die’ won Willemien Mensinga de viefde pries.
Eerste pries veur prozoa ging noar t verhoal ‘Riemke veur Kees Veen’ van Harm de Jonge (foto). Twijde pries was veur ‘Knienen’ van Trijnko Pelgrim en daarde pries won Harry Danhof veur zien verhoal ‘Oma’. Vaaierde pries kreeg Willem Friedrich veur ‘Woarom doe’ en Bé Kuipers kreeg viefde pries veur ‘Mug’. Aan t ind kreeg elk blommen.

Tags: , , , ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten