Muziek

Gepubliceerd op 25 februari 2014 | door Webloug

0

Hans van der Lijke krigt K. ter Laanpries 2013

Zanger en tekstdichter Hans van der Lijke krigt de K. ter Laanpries 2013. Van der Lijke is ien 1943 ien Utrecht geboren en het op loadere leeftied Grunnegs leerd. Hai wordt deur de jury roemd omdat e as nait-geboren Grunneger, op n poëtische menaaier en mit veul nije beeldsproak, de streektoal oet de marge het waiten te hoalen en op zien aigen menaaier, hail gestoag, n noam veroverde ien de Grunneger streektoalmuziek.

De K. ter Laanpries van Stichting Grunneger Toal wordt vanof 1985 oetlangd aan lu en ienstellens dij heur verdainstelk  moakt hemmen op t gebied van de Grunneger toal en cultuur.

De pries bestaait oet n oorkonde en n bedrag van 1000 euro en wordt zodderdag 15 meert oetlangd tiedens de Dag van de Grunneger Toal ien de Groninger Archieven ien Stad.

Tags: ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten