Literatuur

Gepubliceerd op 12 oktober 2012 | door Webloug

0

Haarfstnummer Krödde

t Haarfstnummer van Krödde is oet. Mit biedroagen van Eddie Loonstra, Nina Werkman, Aukje Tillema, Jan Bos, Reinder van der Molen, Tonko Ufkes, Jan Glas, Erik van der Veen, Hanne Wilzing, Aly Freije, Reinder Willem Hiemstra, Kunny Luchtenberg, Willem Tjebbe Oostenbrink, Bé Kuipers, Eldert Ameling, Henk Puister, Jurrien Veenstra en Fieke Gosselaar.

t Veurof van dit nummer:

Aly Freije schreef n gedicht veur Bommen Berend dit joar, over de Stalstroat ien Stad. Gedicht staait nou ien dizze Krödde. ‘nog sleetse baalken, woar de grode peerdenheufden schuurden / boven olle koelen, woarin zoveul verswon, slacht­of­vaal, restant / van narrenfeesten, echtelk gehavvel, godslastern en laifdeszang: / middelaivege mizze’
Fieke Gosselaar leest elke vrijdag n column veur op Radio Noord, smör­gens tussen 10 en 11 uur. Heur eerste column is te lezen op leste blad­ziede van dizze Krödde.
Ale Grunneger gedichten van Jan Glas binnen verzoameld ien n bun­del, aanvuld mit vertoalens en nij waark: Dubbel Glas. n Nij gedicht oet dizze bundel staait ien dit nummer.
Reinder Willem Hiemstra schreef  n verhoal over n schoun­­­moa­ker: ‘Doe k de lutje schuufdeur open en dicht dee, kwam de kolle me ien e moet en prompt keek ik weer met be­wondering noar de Hoas zien mond woar al meer spiekertjes uut kwammen. Hij har n schoen op n ie­zern stander en mepte met n platte hoamer ze achter nkander et leer ien. Het duurde nogal even veurdat er kloar was met beide schoenen en doe pas spijde hij de rest van de spiekertjes weer ien n blikje en zette het hoog vot.’

n Klaaine greep oet ienhold van dit haarfstnummer. Redaksie wenst joe veul leesplezaaier mit dizze en ale andere biedroagen van dichters en schrievers.

Koop Krödde ien de boukhandel of neem HIER n abonnement.

Tags:



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten