Algemeen Toezeboudel

Gepubliceerd op 9 september 2017 | door Jan Glas

0

Grunneger artiesten veur ‘K6 tegen kanker’ en ‘Spinbarg’ in Toezeboudel weke 37

Stichten ‘K6 tegen Kanker’ organisaaiert op vrijdag 10 november n Benefietconcert. K6 is bezeg geld in te zoameln veur t nije zaikenhuus in Scheemde. In augustus 2018 wil K6 doar n ‘Eyeplay’ geven veur n wachtroemte veur slim zaike kinder. Verschaaiden artiesten doun mit woaronder 2 Körten 2 Langen en Krzystof Groen. Wie proaten doarover mit Marieke Kruizinga. Veur koarten: 0597 – 532517.

Ook proaten wie mit Marlene Bakker. Din hebben wie t over ‘Spinbarg’. Grunneger volksverhoalen. Een schip ‘De Familietrouw’ vol beeld en geluud. Doarmit voaren ze d’haile pervinzie deur. Marlene treedt doarbie op en zingt laidjes dij betrekken hebben op de verhoalen. Zai zel ons vertellen hou t in nkander zit. Veur koarten http://www.spinbarg.nl/activiteiten

Henk Puister het weer n nij verhoal schreven in ‘Vantainnoartaander’. t Verhoal gaait over twij mannen dij mekoar noar t leven stoan. Ook nijschiereg wat zok apmoal òfspeult in Toezeboudel, din gewoon luustern goan. Prizzentoatsie Gerard Lunshof.
Meer waiten: www.gerardlunshof.nl

Wie loaten heuren:
Maas en Folgerts – Tien Doagen
Dion Bouwes en Dennis Krottje – Duuster
Harry Niehof – Haibel in t Café
2 Körten 2 Langen – Kaans is klaain
Marlene Bakker en Bernard Gepken – Zeewiefkes
Roelof van der Velde – Vrijhaid

Tags: , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

vijf + 10 =

Terug naar boven ↑
  • Activiteiten