Muziek taol an taofel

Gepubliceerd op 14 maart 2012 | door Webloug

0

Gert Sennema winnoar K. ter Laanpries 2011

Gert Sennema (1962) is winnoar van de K. ter Laanpries 2011. Pries wordt oetlangd op 17 meert tiedens Dag van de Grunneger Toal. Sennema is beeldhouwer, muzikant en theoatermoaker. Hai het hom joarenlaang ienzet veur t Westerkwartiers op n speulse en aigentiedse menaaier. Bieveurbeeld mit de aachtdailege theoaterproduksie SWET-Requiem voor een gebouw (2007-2011) en t lokoatsietheoaterprojekt Het ruige Paradijs. Hai was hiervan de bedenker en brocht verschaaiden disciplines as kunst, theoater en muziek bie nkander. As artistiek laaider brocht e unieke soamenwaarkens tot stand, dij de sosjoale soamenhang tussen de dörpen bevörderden. 

Sennema is n ambassadeur van t Westerkwartier, ien de projekten staait t Westerkwartiers voak centroal, bijveurbeeld ien zien waark veur Stichting Mien Westerkwartier dij belangstellen veur de toal en cultuur van de streek stimuleert. Stichting holdt dichters- en schrieversbieankomsten, optredens van verhoalenvertellers en muzikanten, ook worden bouken oetgeven. Sennema is bie dizze aktiviteiten hailtied betrokken.


Sennema is ook zanger/muziekant, hai treedt solo op en mit o.a de groep Westkaant Stad. Hai schrift de laidjes voak zulf. Ien 2007 verscheen zien dubbel-cd Woar/Thuus. Mit Westkaant Stad brocht e ien 2009 de cd Zo mag t weden oet. 


Gert Sennema het net n nije webstee.


Foto: Henk Scholte

Tags: ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten