Column Chris Kiel, column

Gepubliceerd op 11 maart 2015 | door Webloug

0

‘Gekte’ column van Chris Kiel

Gekte

t Is 25 joar leden, dat n stel Vraizen van omstreeks 60 joar veurspelde dat t Vrais over 25 joar nait meer bestoan zol. Het n Vraize professor oetzöcht
Der bestaait dus nou al gain Vrais meer. Veur dij veurspellers te minsten nait. Want dij liggen op t kerkhof. Was de conclusie.
Gain spèlle tussen te kriegen, schreef n Grönneger professor: n mens wordt gemiddeld 80 joar, dus in deursnee binnen ze al n mooi zetje dood.
Mit t Grönnegs gaait t net zo. Op 2 meert 2040 is t zo wied. Veur Bert Hadders (in de 50) en mie (in de 70) in elk geval. Beweert dij Grönneger professor. Want den is t gemiddeld 25 joar leden dat wie de dood van t Grönnegs veurspelden, omdat we de streektoalpries wonnen harren. Want t gemiddelde van ‘Binnen nait veul mensen dij heur kinder nog Grönnegs leren’ en ‘Den is t net as mit t Latien en t Gotisch’ (oet n teletekstberichtje op 2 meert over Hadders en mie) is dat t Grönnegs in 2040 n dode toal is. Want gemiddeld binnen Bert (in de 70) en ik (in de 90) dat ook. Hartstikke dood. Den.

‘Bin ik gek,’ ruip ik, mouderziel allain, hail haard, zöndagmörgen 8 meert, op skeelers, wind in rugge, zunne opzied, op Hammelandsterweg, mit aan weerskanten t gruinlaand.
Want even doarveur har k n soort vreugdekreet sloakt, nog veul haarder. En doar weer veur, ook haard, mor nait zo haard as dij kreet : ‘Kieften!’, want der vlogen twij kievieten, wind en zunne opzied, mor zunder dat ze t wozzen. Bolternd deur de lucht harren ze allain oog veur mekoar en vuilden niks as heur gekte. En geliek harren ze. Ongemiddeld.

In mien veurege column har k t had over gekte in sonnetvörm. Zo is t cirkeltje (giro) rond. En completer as t eerst leek, ook mit aal dij gemiddelden.
t Is boukenweek ja, al har k mie dat bie de veurege column nait realiseerd. En dou k aan dizze begon ook nog nait: Te gek veur woorden.

Column is schreven n.a.v dizze column van Siemon Reker.

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

vijftien + 20 =

Terug naar boven ↑
  • Literatuur activiteiten

    Geen nieuwe activiteiten