Literatuur

Gepubliceerd op 14 januari 2014 | door Webloug

0

Geert Teis en Louis Couperus

Op 28 maai 1915 gaf Louis Couperus n lezen ien Stad. Hai vroug doar 125 gulden veur, raais- en verbliefkosten ienberepen. Dat was nuver betoald, ien 1914 haar Albert Verwey mor 50 gulden kregen veur n optreden ien Stad en Van Deyssel trad ien datzulfde joar aan veur 100 gulden.

Couperus was zeer te spreken over hou oavend aankled was deur de ‘boersche’ Grunnegers. Zo was Couperus veurofgoand aan zien optreden traktaaierd op n rietour noar Harendermeulen en Podderwol en t spreekgestoulte ien de bovenzoal van De Harmonie, woar Couperus veurlas, was optoakeld mit tapijten, paalms, greun en widde rozen. Ien pdf bie dit bericht is t verslag noa te lezen.

Couperus schreef zulf ook n verslag van de raais noar Grunnen. n Passage over koien ien t laand kwam op Geert Teis nogal onneuzel over. Geert Teis het doar n ploagerg gedicht over schreven. t Gedicht is te lezen ien de pdf. Dat gedicht hemmen ze Couperus enthousiast toustuurd en dij is doar lelk over worden. Zien reaktie kwam ien t kort hier op neer: ‘Nu heb ik toch zo welwillend over die noordelijke inboorlingen geschreven, en nu lappen ze me dit!’

Tags: ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten