Gepubliceerd op 13 november 2017 | door Jan Glas
Gedicht van de Week van Willem Tjebbe Oostenbrink
Noajoar
Koal en leeg leit t laand,
toefkes bruun gras swaaien
de haarfst uut. t Is november
en domt winter.
k Struun deur t laand
op zoek noar dieverdoatsie
mor ken t niet
vienden. Onder de wolken
boven horizon loat
n haalve zun hum zien,
steunend op n stel popelieren
n rooie schoal op een bien
vol vruchten van graauwe
druven te loat wossen
om noa te riepen, te
ver vot om noar te griepen.
k Tuur veur me uut
wiend hoalt an en dut
mien ogen troanen.
Willem Tjebbe Oostenbrink (Grijpskerk, 1963)
Uit: De nieuwe bundel Zolt en stof (Uitgeverij Vliedorp, 2017)
Gerelateerde berichten
Nij verhoal van Bé Kuipers op Oader →
Gedicht van de Week van Kees van der Hoef →
