Gepubliceerd op 8 oktober 2018 | door Jan Glas

Gedicht van de Week van Tjaard W. R. de Haan

Wilde ganzen

Haarstnacht, onrust, grel geluud:
Ganzen van de zee noar zuud.
Stoareg, over loug en stad,
Roeskert ’t hoog en ainzoam pad.

Haisterg roupen, kleumske klacht,
Trekt-en-taaistert deur de nacht,
Nou wied-weg, din weer stoefbie,
Boven die, joa, onder die.

Woar – routduuster – Rötkolk ligt,
Stremmen zai heur staail gezicht,
Störten deel in roegte-en-raait –
Even òldert, om ’t zo waait.

n Zetje rust, ain ogenblik;
Din weer deur – as doe en ik.

Tjaard W. R de Haan (Den Haag 1919 – Oegstgeest 1983)
Gedicht naar Marie Ulfers. Uit: Dörp en stad (1961)

Tags: Gedicht van de Week, Gronings, Grunnegs, Tjaard W. R. de Haan