Gedicht van de Week van Tine Hagedoorn

Wachten

Ze kikt moar aal de loan op,
Of ze ook wat komen zicht.
Deur ‘t loof van d’iepenboomen
Glidt ‘t lèste oavendlicht.

Is haildal niks te heuren;
Is haildal niks te zain.
De loan ligt doar zoo ainzoam;
Zai stait doar zoo allain.

Doodstil stoan doar de boomen;
Doodstil ligt doar de loan.
En stom kikt deur de bloaren
Mit dom gezicht de moan.

Heur stoarende oogen kieken
Verlangend aal moar weer
Op ‘t lèst gait ze noar hoes’ ‘èn
En zègt: Hai komt nait meer.

Tine Hagedoorn (Garrelsweer 1865 – Meppel 1947)
Uit: Maandblad Groningen, 1927

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

13 − elf =

Terug naar boven ↑
  • Literatuur activiteiten

    Geen nieuwe activiteiten