Gedicht van de Week van Synco Reijnders

n Roare Raais van Hogelaand noa Stad
(beginfragment)

In haarstmoand heb ik lest
Mit mien wief noa Stad tou west,
En nou wo’k van mien bedrieven
Gaauw erais n boukje schrieven.

‘k Haar aal ’t vedde vij verkoft,
Waait en gaarst in bulten brocht,
En nou mos wie ja es kieken,
Hou of ’t wel in Stad zol lieken,
Want mien wief haar ja in Stad
Nooit nog nait heur vouten had.

’s Mörns tiedeg oet de veren,
Spand’ ik onze broene meren
Veur de nije foajeton*
’t Wief der op, en raais begon.

Ik mien rok mit glìnne knopen,
Om ais mit deur Stad te lopen;
’t Wief heur tierentaainen** schoet
En heur baais*** mit blaauwe roet.

Ik mien ronde houd, zo’k mainen,
Wiede boksem omme bainen.
’t Wief heur kanten muts op kop,
En heur houd mit plumen op.

*Van ‘faëton’: sjees op vier wielen.
** Bepaald soort stof.
*** Vrouwenjak

Synco Reijnders (Groningen, 1793-1873)
Uit: n Roare Raais van t Hogelaand noa Stad (1941, Van Gorcum)

Tags: , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

2 × 4 =

Terug naar boven ↑
  • Literatuur activiteiten

    Geen nieuwe activiteiten