Gedicht van de Week van Simon van Wattum

sunter meerten

Ik droag mien kip-kap-kogel,
kaauw mit baange vogel
deur de swaarte nacht
dij vaals noar ’t leven slagt.

Ik loop in ’t rode lichten
deur mien laand van plichten
en duur nait zingen hoast
veur mensen dij ’t verboast.

Smis mout ik even poesten,
moar as hengen roesten
aan deuren, loop ik weer;
op ’t laid van leste keer.

Mien zingen wordt al vroagen:
is mien laid volsloagen?
Veur ik zulf besloet
dooft vlam mie langsoam oet.

Ik droag mien kip-kap-kogel,
– kaauw mit dode vogel
deur ’t laand van Sunter Meerten
over streep van leste veerten.

 

Simon van Wattum (Stadskanaal, 1930 – Winschoten, 1995)
Uit: Twijstried (Lykele Jansma, 1980)

Elke week wordt er een gedicht gekozen uit 200 jaar Groninger poëzie. Het gedicht wordt tevens gepubliceerd in het Dagblad van het Noorden, dinsdags op de pagina ‘Grunnegs Goud’.

Tags: , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

zes + 7 =

Terug naar boven ↑
  • Literatuur activiteiten

    Geen nieuwe activiteiten