Gedicht van de Week van S.E. Evers-Geertsema

Dij stilte…

Zun begunde mooi te schienen
op dij loate zummerdag,
zodat ’t leek of de haile wereld
weer van nijs te pronken lag.

Wind was stil en stil was ’t boeten,
was gain bladje dij bewoog;
lucht haar mooie blaauwe kleuren,
was zo wied, zo roem en hoog…

Luustern mos ik noa dij stilte
en ’t wör toun ook stil in mie,
want doar kwam wat hail slim kostboars,
in dij stilte stoef veurbie…

 

S.E. Evers-Geertsema (1899-1988) Uit: ’t Leven in verskes en vertelsels (Niemeijer, 1972).
Bio S.E. Evers-Geertsema.

Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.

Tags: ,



One Response to Gedicht van de Week van S.E. Evers-Geertsema

  1. Pingback: » S.E. Evers-Geertsema | Webloug

Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

een × 4 =

Terug naar boven ↑
  • Literatuur activiteiten

    Geen nieuwe activiteiten