Gedicht van de Week van Rik Andreae

Terug noar zee

As ik apmoal vroagen heb,
goa ik terug noar zee. Zee dij

zo volmoakt bedoard is,
dat vogels heur nusten der op baauwen.

Dat bevrömdt vissen ook.

Heur ogen lieken wel lampkes, dat t is
of der nog ainmoal zoveul steerns binnen.

Zai waiten ja niks en doun niks –
heur kopkes omhoog t wotter oet.

Din, veur narren op t straand,
zingen zai mit stemmen

vol van schoem t driefholtlaid,
asof ze apmoal antwoord geven.

 

Rik Andreae (Arnhem, 1950)
Uit: Blootwuilders dij wie binnen (kleine Uil, 2012)

Tags: , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

20 + 16 =

Terug naar boven ↑
  • Literatuur activiteiten

    Geen nieuwe activiteiten