Gedicht van de Week van Rieks Holtkamp

Zuudloardermeer

Haalfstains moan.

Leste scheuvellopers van t meer.

Dag gluit nog noa
in t pavveljoen:
draank het t wonnen van piene.

Der is snij aanzegd,
dat geluuddichte klaid van vergeten.

Aanderdoagsmörgens
staait der n kraai op t ies:

t is doan.

Rieks Holtkamp (Zuidlaren 1950) Uit: Zied aan zied, een
dubbelbundel met gedichten van Rieks Holtkamp en Hanne Wilzing.
Weggeefbundel t.g.v. de Dag van de Grunneger toal 18 maart 2017.



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

18 − 14 =

Terug naar boven ↑
  • Literatuur activiteiten

    Geen nieuwe activiteiten