Gedicht van de Week van Renko Sipkes

Strampels

Aal wat ze deden, wat ze zeden
dij dag kwam oet n wied verleden,
ze haren kander n zet nait zain;
ze prouten over vrouger joaren
en wollen baaident dat bewoaren,
dat volstopt was veur heur allain…

Dr har leven tussen legen
doar d’aander zuk nait kon bewegen
en doar e bloots noar roaden mog;
– van t zulfde dörp, van zulfde joaren…
mor meer as vrundschap te verkloaren
doarveur was e nait driest genog…

In t schoullokoal veur ollen van doagen
wordt t leste voak allenneg droagen
en eerwoars gaait vannijs aan glie…
ze zaten baaident in gedachten
stil-èn, of ze woaraargens op wachten
dat kommen mos… en t was veurbie…

Renko Sipkes (E. Scheltens , Meedhuizen 1919 – 2006) Uit: Nieuwsblad van het Noorden 30-10-1970 (blz. 27)

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

elf + dertien =

Terug naar boven ↑
  • Literatuur activiteiten

    Geen nieuwe activiteiten