Gedicht van de Week van Reinder Willem Hiemstra

Boezemgeuren

Mien meidoorn let heur pon uuttrekken,
de bruloft is veurbij.
t Feest wat doagen duren zol
is overgoan ien fiene snij.
De wiend die licht heur kapsel op
en soeiket heur wat hinneweer.
n Vloag van bloezem hoagelt vot,
want elke feestvreugd luwt n keer.
Teveurschien kommen de kromme takken
met heur fladderblad en stekende stiekels,
die prikken noar bloed en pien.

k Denk voak terug da’k doagleks snoof
bedwelmende geuren, de lucht was zwoar
en zwanger, vol met schone schien.
Mien meidoorn het heur bloes valen
loaten en let heur noaktheid zien.

Reinder Willem Hiemstra (Niezijl 1943)
Uit: Votspoelde sluzen (Profiel, 1991)

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

2 × 5 =

Terug naar boven ↑
  • Literatuur activiteiten

    Geen nieuwe activiteiten