Gedicht van de Week van Pim de Noues

t Golden Hoantje

Wiendgaail draait t golden hoantje 

mit alle störms en buien mit.

Hoog boven aander hounder verheven 

allinneg snoavel ien t gelid.



Van hieroet zigt e engel van Riep

op zulfd’ ainzoame hoogte stoan. 

Zeshonderd joar was torenspits fier -

nou liekt t din mit Jacobus doan. 



Golden hoantje kin t nait veul schelen 

hai vernuvert hom hier best. 

Loat aandern mor aingoal sjantern

véur hom binnen der net zo goud hoantjes west. 



Betrokkenhaid is mor betrekkelk:

as engel van Riep din vallen mog,

zol hai zulf wat hoger lieken -

kerken verdwienen, en wat din nog? 



t Oplözzen dut t golden hoantje nait, 
wiezen noar n aander kin e wel.
As der ien zien aigen ‘kantorentje’ 
tot aan 2021 mor gain knitter valen zel.

Pim de Noues (1979, Groningen)
Bron: www.oader.nl. 30-1-2018

Tags: , , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

11 + vijftien =

Terug naar boven ↑
  • Literatuur activiteiten

    Geen nieuwe activiteiten