Gedicht van de Week van Pim de Noues

Sonnet joargetieden

Doe was as novembermoand
graauw en grèleg dag en deur
k dee mor dit of t was meleur
störm roast hailtied ien die rond.

Dochs dat t overbedern zol,
mor dien haarfst wer n dookgerdien:
twijlicht viel aal vrouger ien
totda`k nait meer wieder wol.

Zai is as n mooi prilmoand:
n zee van kleuren bie mekoar –
belofte van nij veurjoar.

Alles bloakt en bluit gezond
blözzem op heur bliede wangen
langt dag aan mien verlangen.

Pim de Noues (Groningen, 1979). In het kader van Meertmoand Streektoalmoand schreven het Dagblad van het Noorden en Webloug een gedichtenwedstrijd uit onder het thema ‘Verwachting’. De gehele maand maart krijgt u op maandag de beste inzendingen te lezen.

De jury over dit gedicht: ‘Mooie vergelieken van Joargetieden mit temperament van de gelaifde(n). t Liekt over n olde en n nije laifde te goan. Weer verlaifd op n ander.’

Tags: , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

dertien + zestien =

Terug naar boven ↑