Gepubliceerd op 30 januari 2017 | door Jan Glas
Gedicht van de Week van Peter Visser
Torenbuurt
Nou zai ik noar mien dörp van vrouger om,
noar widde toren, wachter over t laand,
dij, as ik grode weg noar zee laans kom,
van verren opdokt aan mien linkerhaand.
Vreesachteg, overhouks, begrout ik hom,
om den, bie Zanneweer, auto aan kaant,
mien ogen op te sloagen noar kelom
dij nacht en uur mie achter ogen braandt.
Domt voar ik deur mien olde torenbuurt;
hier heb ik laifhad, kaddekwoad oetkuurd,
en hier da’k mie aan dreumen overgaf.
Hier krigt ook overmoudege zien straf:
op kerk en deurrit noa is brud verknuurd.
Hier voert mien pad noar t olderlieke graf.
Peter Visser (Kortenhoef 1944) Uit: t Verzegde riek,
Stichting Oude Groninger Kerken, 1994.
Gerelateerde berichten
Winnend Gedicht van de Week van Rens Komduur-Van der Molen →
Gedicht van de Week van Eldert Ameling →
One Response to Gedicht van de Week van Peter Visser