Gedicht van de Week van Peter Visser

Nachtelk landschop

Dit laand is as n lege zoal
dij, vot as t daglicht hom betrekt,
illuzieloos wordt en banoal,
omreden elk gehaaim ontbrekt.

Dit laand is ook n nachtlokoal
woar t schemerlicht verwachtens wekt
en woar men ien bedekte toal
over beziede dingen sprekt.

Ik heb ter haile niks meer bie.
Tot ik deur nachtelk Grunnen voar
en t vremde wordt vertraauwd veur mie.

t Is mie of wor ie net dij zet
dat t laand hom t minst deurgronden let
t oorspronkelke idee gewoar.

Peter Visser (Kortenhoef, 1944)
Uit: Nachtverblief (Philip Elchers, 1997)



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

5 × 4 =

Terug naar boven ↑
  • Literatuur activiteiten

    Geen nieuwe activiteiten