Gedicht van de week van Nies Sap-Akkerman

De Flip-flap-florian

Kinst doe de Flip-flap-florian?
Dat is gain daaier en ook gain man,
Gain vogel, bloume en gain vis,
Gain aaine wait wat t aiglieks is.

s Nachts zai je hom bie volle moan
Laangs stroaten en deur loanen goan,
Hai lopt hail stil en kikt gemain
En trekt wat mit zien rechterbain.

As s mörgens moane ondergaait
En zunne an de hemel staait
Den gaait e vot, doof, old en krom,
Gain aaine wait woarom…

Nies Sap-Akkerman (Hoogezand, 1928-2009)
Uit: Liesterkralen (Stichting t Grunneger Bouk, 1990)

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

veertien + 9 =

Terug naar boven ↑
  • Literatuur activiteiten

    Geen nieuwe activiteiten