Gepubliceerd op 26 juni 2017 | door Jan Glas
Gedicht van de Week van Melle Hijlkema
Veur heur II
En ik zal zuken
n leven laang, alle
nachten deurwoakt,
noar n ster nog
onbenuumd
En zij zal hieten
noar hoestoe hietst
stroalen met et licht
van duzend zunnen
dat zulfs de nacht
nog warmte schient
met rood en blaauw
deurschoten
En dan, op alle lippen
de noam van dizze
vraauw
mor op mien lippen
allinneg dienent
Melle Hijlkema (Trimunt, 1962)
Uit: Dast doe dat ik (Huis van de Groninger Cultuur, 2015)
Gerelateerde berichten
Winnend Gedicht van de Week van Rens Komduur-Van der Molen →
Gedicht van de Week van Eldert Ameling →
