Gedicht van de Week van Lerus Roelofs

Scheepsjoagers

Hoge grieze wiede lochten
boven hoeskes, veen en grint,
daip mit raait, en olle battens
rosterg jeuzelnd in de wind…..

– zai juigen deur de olle monden
zunder duvel, zunder god,
’t kon heur aal ja niks verdommen,
draai oj! of ’t boudeltje kepot,

voak zunder vraauw
en mainst gain kind,
allain in de liene
de moagere strint,

roeg in doun
en roeg in mond,
kreng nait om liek,
lien veur de kont,

sloatje stief achter de koezen
tot aan ’t klòkje bie ’t verloat,
– vurken mor, deur veen en bragel,
vroug in mörn, ’s oavends loat –

dei joagers en ’t veen
’t is vot alles nou,
allain nog de lochten
lieken as tou

 

Lerus Roelofs (Odoorn 1917 -Amersfoort 1997).
Uit: Tussen tied en altied (J. Niemeijer, 1967).

Tags: , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

7 + 4 =

Terug naar boven ↑
  • Literatuur activiteiten

    Geen nieuwe activiteiten