Gedicht van de Week van Jurrie Bosker

Parseïlion*

Dou mie nog een inder, lucht of wotter
hoge schapenwollen gruine hemel
blaauwe dieken tegen weeë zegen
zuite deernen wild als jonge kloare

vaair gebeden veur een moeke, voader
rooie roupen oet de vaaile venen
zolders dreuge bonen, golden regen
kwelders aaidereenden, schierling’s moaten.

Ik heur het kind dat ik verloren heb
in baange vroagen aan de wind terug
van boze bomen en de dood de stem

breng ik mie in het speuls gezicht tot rust
opdat hai mie op stroat nooit meer herkent
van olde beelden woordenloos geluk

Jurrie Bosker, alias Yur (Delfzijl, 1951)
Uit: Krödde nr. 76, 2000.*Fantasie Grieks veur: ‘Hai dij overzaailt’.

Tags: , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

zes − vijf =

Terug naar boven ↑
  • Literatuur activiteiten

    Geen nieuwe activiteiten