Gedicht van de Week van Johan Albert Leopold

’s Oab’ns noa tiene

‘Trien, zeg eis!
Trien, heur eis! –
Wat lopstoe toch, maid?
Wat scheelti, bist bange?
Kenst mie ja al lange – –
Joa, run moar, doe kroeskop, ontknipst mi nou nait.’

‘Doar he’k di,
Nou ze’k di,
Der zugt ons gein ain.
Dien spartlen dat helpt nait.
Mainst toch nait, dat ’t zeer dait?
Doar vlak veur de mond, he! doar hest der nou ain.’

‘Doar nog ain –
Gest mi ain,
Geef ik di der tien;
Mien engel dat biste,
‘k Dou al wat doe wiste:
Doe bist ja mien laive, mien laive, laiv’ Trien.’

‘Ain doetje
Veur ’t snoetje
Nog, dan loa’k die goan.
Wast’ altied moar bi mi,
Harst doe mi, har ik di,
Dan mog der veur mien part de wereld vergoan.’

Johan Albert Leopold (1846, Groningen – 1922). Uit: Joh. A. Leopold en L. Leopold, Van de Schelde tot de Weichsel. Deel 1: Frankrijk – Zuid-Nederland – Noord-Nederland. (J.B. Wolters, Groningen 1882).

Tijdens de zomermaanden verschijnt het Gedicht van de Week niet in het Dagblad van het Noorden.

Tags: ,



One Response to Gedicht van de Week van Johan Albert Leopold

  1. Pingback: » Johan Albert Leopold | Webloug

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

2 − twee =

Terug naar boven ↑
  • Literatuur activiteiten

    Geen nieuwe activiteiten