Gepubliceerd op 22 januari 2018 | door Jan Glas
Gedicht van de Week van Jelte Dijkstra
Midwinter
Zo’n dag… wat is t –
Wat mot en mist,
Wat miezighaid en regen;
De wind zingt t laid
Van d’aiwighaid
Deur d’olle hegen.
Zo’n dag… gain zun,
Gain end, begun, –
Is mit zok zulm verlegen:
Gait op de tast
Mit d’olle last
Laangs d’olle wegen.
Wie blieven stoan…
Moar mouten goan,
Mit zin of… wat verlegen:
t Gait op de tast
Mit d’olle last
Laangs d’olle wegen…
Jelte Dijkstra (Grijpskerk 1879-1946) Uit: Verzoameld waark,
Gedichten in t Oldambtsters (Reco, 2005)
Gerelateerde berichten
Gedicht van de Week van Fieke Gosselaar →
Ida Wieringa en ‘Veur de Wind’ te gast in Toezeboudel. →
