Gepubliceerd op 10 februari 2015 | door Jan Glas

Gedicht van de Week van Jan Siebo Uffen

Preek

Nou dat doagen diezen
en t veujoar speult
spieren grond wegvluiken
stroekerij zien vlinders oetzet en
twiegen ledezet
bloaren gries en polterg binnen
nou mout ik onder preekheer
en zingen of ter gain onder
schaaid is tussen
stof en laim
nou dien ogen laif as
mooibluiers
roeten mit niddeltjes licht
hoop ik
dat robaite in t swaart
smui preken zel
nou dat doagen diezen

Jan Siebo Uffen (Noordlaren, 1942) Uit: Cultureel Maandblad Groningen, 1972.
Bio J. S. Uffen.

Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.

Tags: hoagepreek, Jan Siebo Uffen, literatuur, poëzie