Gedicht van de Week van Jan J. Boer

Zummeroavend

Wie luipen dij oavend mit zien baaident langs ons laand
over de loane bie ’t gele koren,
waarm was de wereld nog en mul het grieze zaand
en elk haar in zien dinken zok verloren.

Zo’n zummeroavend: mit joen knoesterege haand
wees ie de hoge Wildervankster toren,
de krödden en de mellen, in de zun verbraand
en ’t huus, doar wazzen wie baaiden geboren.

Wie hebben wat proat, wat over ’t laand en over ’t leven,
hou mie ’t op schoul ging, over vrund en buur,
mor achter ale woorden heurd’ ik toch nèt even
joen bliedschop om het zuvere van dit uur.
Vandoage binnen allend de kwitsekralen bleven,
in rode trözzen stoan ze, bie de schuur.

Jan J. Boer (1927, Wildervanksterdallen – 2011)
Uit: Liesterbes en Laiwerik (Dekker & Huisman)



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

vier × twee =

Terug naar boven ↑
  • Literatuur activiteiten

    Geen nieuwe activiteiten