Gepubliceerd op 17 juli 2017 | door Jan Glas
Gedicht van de Week van Jan Glas
Schulp
Achter diek
von k n schulp
mit doarien
nog wat zee.
Klaaine zee.
Ien krul
van schulp
zöcht mien tong
noar smoak
van zee.
Zolde zee.
Zee wied oet zicht.
Schoapen
op t kwelderlaand.
Ien schulp
het zee
hom verschoeld
ien mien haand.
Jan Glas (Uithuizen 1958)
uit: Dubbel Glas, ale gedichten (kleine Uil, 2012)
Gerelateerde berichten
Winnend Gedicht van de Week van Rens Komduur-Van der Molen →
Bé Schmaal mit cd prizzentoatsie in Toezeboudel →
