Gedicht van de Week van Jan Glas

Blonde knecht
n streekgedicht

Wat ik ook schrief
ik blief n boer.
Boer mit ain knecht.
Blonde knecht ien
blaauw overaal.
Zun schient, knecht

en boer rusten op
t laand en zomor
streelt knecht
boer zien waang
en zegt:
‘wat n laive boer.’

En boer wordt rös om kop,
kikt over t laand
en schut ien t ìn.
‘Deur mor weer,’ zegt boer
‘wie monnen nog
ale gedichten melken.’

Jan Glas (Uithuizen, 1958) Uit: Dubbel Glas, ale gedichten (kleine Uil, 2012)

Tags: , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

twintig − 16 =

Terug naar boven ↑
  • Literatuur activiteiten

    Geen nieuwe activiteiten