Gepubliceerd op 16 februari 2016 | door Jan Glas
Gedicht van de Week van Jan de Jong
Roadblock (Libanon)
n Weg laangs kust noar t zuden
de Riviera van dit laand
gain minsen allinneg zai
dij deurgoan veur soldoaten
en tanks kapotschoten hoezen
van t stee Damour
wie binnen stil t beeld van dood
t moorden van even leden
bie de Litani
stopt t heden in gebelk en gepoas
het dinken is doan
t vraid op gezichten sprekt
geweren binnen hier boas
t leven staait stil bie angst
in dizze wereld telt staarkste
wie heuren hier nait
ik bin n vremde vuil mie n dwoas
n verloren stried
al hebben wie oefend allinneg
thoes wonnen wie mainsttied.
Jan de Jong (1951, Tjamsweer)
Uit: Krödde nr 122, 2012
Gerelateerde berichten
Winnend Gedicht van de Week van Rens Komduur-Van der Molen →
Gedicht van de Week van Eldert Ameling →
