Gepubliceerd op 18 april 2017 | door Jan Glas
Gedicht van de Week van Jan de Jong
Reünie
Wie smokken schuchter
geven n haand lagen
drok van moi hou is t
laank leden
mooi da’s ter bist
onwis van aal dat komt
dij nait meer is
proaten wie weerom
over nou as wie
dat waiten haren dou
gedachten vlijen op stee
stil stoef bie nkander
heur ik zwiegend
oamloos van nkander
dwoalend in vroagen
heuren hou t kwam
n stoekende oam
dij mien dreum ofnam.
Jan de Jong (1951, Tjamsweer) Uit: Krödde nr. 114, 2010
Meer informatie: www.webloug.nl
Gerelateerde berichten
Winnend Gedicht van de Week van Rens Komduur-Van der Molen →
Gedicht van de Week van Eldert Ameling →
