Gedicht van de Week van Jan Bos

Hunneg bakt

Zuit bakt lippen aan nkander.
Grindpad – beukenheeg – kestanje –
Lavendel – rozen – en mintroekerij
omgrachten mien gedachten.

Loerende wachters, oel ien d’hoge es,
kraaien op schosstain,
zolaang laifde waarmte ofgeft
en kilte van t steuren boeten deur holdt.

Kroakend toenhek, knirzelnde voutstap,
n schremmende ströt, schraauw van oel,
krazzende kraaien,
vannaacht goan vlinders vlaigen, grind braandt.

Oam sloekt ien, loakens sloagen open,
sloat schut deur, spruten verrötten,
mous verokert,
woorden trillen, naacht verzopt.

Hunneg is zuit, laifde bakt.

Jan Bos (Bedum, 1937) Uit: Dast doe dat ik (Huis van de Groninger Cultuur, 2015)

Tags: , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

zeventien − 3 =

Terug naar boven ↑