Gedicht van de Week van Jan Boer

Glènne Riepe

Bie veujoarsdag, as ’t zunlicht lij
de riep beschient, nog nat van snij,
den schittert doar n schat van kleuren,
den zain ie ’t wonner weer gebeuren:
de glènne riepe staait ien blui,
de stadjeder is haildaal hui!
Muziek van ’t örgel gaalmt ien gulpen
dwaars deur hom hen: hai koft zien tulpen!

len zummertied, as Vismaart glèn
te gluien ligt deur drokte hen,
den is ’t n weelde bie dij kroamen,
Ie boien deur de blommen, oamen
en zoegen joe van haarten zat
aan bliedschop op dat tegelpad!
Aal zol ie leste cent betoalen,
Ie willen zummer binnenhoalen!

En ’s haarstens, as noordwesterstörm
om hörns hoelt as n wilde lörm,
den zain ie flapperende tenten,
gain kerel lopt bie ’t pad te venten,
mor staait hier schoedelend ien schoel
en waarme tinten kleuren ’t voel
van ’t asfalt: broen en rood en sangen,
n plaaisterploats van stil verlangen

Den komt de grauwe wintertied,
de blommetentjes goan aan zied
en op de koale steeën komen
nou hoge stoapels dennebomen.
Midwinterdreum ien neonlicht!
Gezelleg is zon stadsgezicht
van al dij scharrelende vrunnen
ien ’t haartje van heur aigen Grunnen!

As Glènne Riep laag ien Paries,
den was ’t bekend as ’t Parredies:
„Chaussee Bruiante”. „Ville Lumière”.
Het rendez-vous van „Elle et Pierre”.
Den haitte ’t hier „Marche aux Fleurs”,
Ol Dr Oakerk was ons „Sacrê Coeur”
en de verlichte Olie Grieze:
„La Tour du Monde et son église”.

Jan Boer (Rottum, 1899-1983)
Uit: Nieuwsblad van het Noorden: 25-03-1966

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

zeventien − twee =

Terug naar boven ↑
  • Literatuur activiteiten

    Geen nieuwe activiteiten