Gedicht van de Week van Jaap Pijper

Laand van Belofte

veuroet de verre inders van mien waike gaist
dicht ik de schaarven van mien bestoan
ik waark mie de hemdsmaauwen oet, mor
mien wereld ligt aan diggels.

in de blootshaid van mien grenzen kroep ik
ver vot: de messen woarmit ik sliep binnen
slim schaarp – tòch blift ales n
dolgedraaid goan en stoan.

op de wieken van mien avontuur daans ik deur,
wait aal joaren dat t leven rood en duvels is
ik schoef mien brokken veuroet op mien schoakbord
wil zo geern aankommen in t Laand van Belofte!

Jaap Pijper (Appingedam 1951-Groningen 2004)
Uit: Krödde nr. 84, 2002

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

15 + 14 =

Terug naar boven ↑
  • Literatuur activiteiten

    Geen nieuwe activiteiten