Gedicht van de Week van Henk Smit

Snij

Het geleuf mie inzaipt net as snij
op n winterdag mit zun der bie,
deur blaauw verkleumde handen, dij
mor wat geern vuilen loaten: bist van mie.

De kòlle dekt mie tou as n vlij
as ik aal lopend deur snij verglie,
miezulf vergreld in d’handen spij
om waiten te loaten, k bin nait van die!

De laange winters binnen vergleden,
versmolten in mien bekloagd verleden.
Òf en tou bin k nou zulfs hui,
wait k mien aigen geleuf te vinden
in de riekdom van het swinden.
Din vuil k dat ik van binnen oet glui.

Henk Smit (1947, Oostwold) Uit: Mementen (Servo, 1994)

Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.

Tags: , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

16 − 7 =

Terug naar boven ↑
  • Literatuur activiteiten

    Geen nieuwe activiteiten