Gedicht van de Week van Henk Smit

Achterom

De deure is op slöt doan, haail sekuur.
t Is middagstied, de verkoop even veurbie.
In twijlicht is de winkel oet pestuur,
aal t goudje ligt ter op zien zundags bie.

De klokke wist mie op het haaileg vuur,
dat braandt onder de boeskool en in mie,
veur t rituaal dat broest in t oaventuur
as ik aan toavel handzoam worst versnie.

Mor eer het zowied is wordt t heureg stil,
geft elk zok over aan mien voaders wil.
Eernsachteg wordt e n ogenblik onze tolk.
Haardop biddend is hom gain woord te min.
Mor nog veur t ende gript de duvel in,
bie d’achterdeure ropt e: “Is hier vòlk.”

Henk Smit (Oostwold 1947) Uit: Krödde nr. 46, 1993

Tags: , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

15 − 11 =

Terug naar boven ↑
  • Literatuur activiteiten

    Geen nieuwe activiteiten