Gedicht van de Week van Henk Smit

Nust

Ik heur zien stem in mien gedachten
as ik langs t pad van jonkhaid swaarf,
mien noam in bast van levensboom kaarf,
dij waast in schoot van mien verwachten.

Hai vragt of ik hom aan wil doeken,
net zoas toun veur t sloapen goan.
Het zunder woorden mekoar verstoan
in het vertraauwde wat je roeken.

Dij stem dij zel in tied vervoagen.
In mien gedachten woorden stoeken.
Mor boom zel nije noamen droagen,
woar leven en dood zok in versloeken.
Din wait k – al word k ter deur versloagen –
de geur van t nust zel k altied roeken.

Henk Smit (Oostwold 1947) Uit: Krödde nr. 41, 1992.

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

17 + 3 =

Terug naar boven ↑
  • Literatuur activiteiten

    Geen nieuwe activiteiten