Gepubliceerd op 19 november 2018 | door Jan Glas
Gedicht van de Week van Henk Puister
Bliedschop veur t bezeren
Toch mout het mor zo blieven.
n Haandjevol is mien begeren:
Elke oavend vot noa vieven
eefkes bliedschop veur t bezeren.
n Rok in de kleur dij altied staait.
Dien hoaren: lokken van zuver gold.
t Aaldoagse is t nait, woar t allint om draait.
Woarom toch aiweg t daipste van onszulf
noar binnen vold?
Of is t zo beter, meschain?
Over rozen goan nait elks poaden.
k Zuik mie n ainzoam stee in train
en zel doar dien gedachten roaden.
Henk Puister (Hoogezand-Sappemeer, 1953)
Oet: Bliedschop veur t bezeren (kleine Uil, 2009)
Gerelateerde berichten
Gedicht van de Week van Willem Tjebbe Oostenbrink →
Herman Hofstra weke 50 te gast in Toezeboudel →
