Gedicht van de Week van Hanny Diemer

Indian summer
veur Patrick

September was t. Locht haar dat dunne,
deurschienend-fiene, haarfstege blaauw –
kleur van zien ogen. In zien hoar
lag gloud van eskebloaren, dij zunne
in braand zet haar as veur n feest.

Hai mainde, k was van ‘Holland’, mor ik zee:
nee, k bin van Grunnen. Dat begreep e:
hai kwam uut Boston, hai was Irish.

Bladstil lag k onder zien smokjes
dou k rondomrond besnuvveld wör.
En hail verzichteg knuvvelde
ik zaacht flewail en fluusterde:
ik vin die mooi –

– mor t mainst
verboasd was ik dat doar
hom t hoar ook vlamde.

Hanny Diemer (Groningen, 1942)
Uit: Dast doe dat ik (Huis van de Groninger Cultuur, 2015)

Tags: , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

3 × twee =

Terug naar boven ↑
  • Literatuur activiteiten

    Geen nieuwe activiteiten