Gedicht van de Week van Hanny Diemer

Leste Boom

De zun scheen op de leste boom dij bluide;
zai zee: ‘Nou redden ie joe der zulf mor mit.’
Zo aibels veul was t, ales dat heur muide.
De wereld kwam aan t end van leste rit.

In tien joar kapt wat doezend aiwen gruide,
de locht vergeven, t straand laang nait meer wit –
Al scheen de zun ook op dij boom dij bluide,
zai dochd’: ‘Ze redden zuk der zulf mor mit.’

Gain waalvis was der over dij zuk ruirde
op t stee, doar elk zien bragelboudel smit.
– Dou glee ze t daip in, dat vol ombaalgen zit,
en staank van t wotter kwam heur in de muide:
‘Veur t lest,’ dochd’ ze, ‘Redt joe der wieder mit.’

Hanny Diemer (1942, Groningen) Uit: Wotter – Grunneger dichters (Biblionet Groningen. 2003)

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

1 × 2 =

Terug naar boven ↑
  • Literatuur activiteiten

    Geen nieuwe activiteiten