Gedicht van de Week van Hanne Wilzing

Pabbe

Maank waarme eerde
en zuide eerappelgeur
roek ik joen swait
swiegend zeggen we moi
en aanveerden t verdrait

Ie hebben ze poot
bluien en wazen zain
mor nich meer rud
veur tied oet tied
het klokke lud

Op knijen trek ik t loof
kraab mit blode handen
groaf in mien gedachten
schud aal t gold in körf
wat vot is blief k verwachten

Hanne Wilzing (Smeerling 1958)
Uit: Zied aan zied (Huis van de Groninger Cultuur, 2017)

Tags: , , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

vijftien − twee =

Terug naar boven ↑
  • Literatuur activiteiten

    Geen nieuwe activiteiten