Gedicht van de Week van Haarm Maaijer

Man en hond

Laaigrieze locht laangt leeg de haand
an graauwe grond van t stieve laand
dat kaold doar hiinligt, stil, verstomd,
net of dr noait weer levent komt.

Wat dut dei man doar mit zien hond,
wat lopen dei doar nou toch rond
deur t onlaand, kaold, kil, stil, verstomd,
net of dr noait weer levent komt?

Dei hond vint t moai, dat is te zain:
Hai springt in t rond, gript man bie t bain.
En t laand ligt doar, kaold, stil, verstomd,
net of dr noait weer levent komt.

Ik leuf, dei man lopt om zien hond
doar in de kaole zo in t rond,
deur t onlaand, kaold, kil, stil, verstomd,
net of dr noait weer levent komt.

Dat kiin nog in diz tied van geald:
As vrönnen man en hond in t veald,
in t onlaand, kaold, kil, stil, verstomd,
net of dr noait weer levent komt.

Haarm Maaijer (Bourtange, 1919 – Schiermonnikoog, 1988) Uit: Gas en Toal (R.S.G. Winkler Prins, 1980).

Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

een × 4 =

Terug naar boven ↑
  • Literatuur activiteiten

    Geen nieuwe activiteiten