Gepubliceerd op 27 februari 2017 | door Jan Glas
Gedicht van de Week van Haarm Maaijer
Veurjoar
Waarme wind, widde wolken.
Wat willen, doun willen,
moaken willen, poten willen.
Wakker worden, waarme zunne.
Bère hait, nat van swait,
d’r òf willen, boeten willen.
Blaauwe locht, laauwe grond.
Groaven willen, poaskebloumen,
gruien willen, bluien willen.
Kracht vuilen, wat willen.
Groaven willen, zaaien willen,
poten willen, leven willen.
Haarm Maaijer (Bourtange 1919 – Schiermonnikoog 1988)
Uit: Slisterstaintjes (St. ’t Grunneger Bouk, 1978)
Gerelateerde berichten
Winnend Gedicht van de Week van Rens Komduur-Van der Molen →
Gedicht van de Week van Eldert Ameling →
