Gepubliceerd op 19 januari 2016 | door Jan Glas
Gedicht van de Week van Haarm Diek
Ainmoudsgangers
Hai ridt mie achterop,
mor ik wil nog ontkomen.
t Verscheelt mie niks, wel t is,
dij op mie òf komt stomen.
Mor k ben nait recht in vörm
en wor licht overmeesterd.
Doar leg ik den in t graas,
deur stroeken overheesterd.
Mor k roup tou takken oet:
“Za’st mie nait moren kennen,
k ben ja dien aigen bloud;
most endelk deraan wennen
dast mie aal kriegen kenst,
mor hest den bloots dien ik
nait wonnen, nait verloren
tot op ons leste snik.”
Haarm Diek (ps. J. D. Plenter, Groningen, 1921-2005)
Uit: Krödde nr. 72, 1999
Gerelateerde berichten
Winnend Gedicht van de Week van Rens Komduur-Van der Molen →
Gedicht van de Week van Eldert Ameling →
