Gepubliceerd op 15 januari 2018 | door Jan Glas
Gedicht van de Week van Haarm Diek
Bosschop an t hoasten
t Begunt met vroug op wezen om de vogels
te heuren, om de daauwdaamp in te oamen,
om rondom in de roemte te verkeren,
dij die den haile dag nait meer ontbrekt.
Te waarke goan is goud. Hufst haile wereld
vandoage nait beknooien, en op t heden
huft t akkerwaark nait doan, en in dien toentje
is t neudeger dast wachtst as dast verropst.
As t dammee oavend wordt, za’st die de vroage
nait stellen: Heb k veur nou genogt besappeld? –
za’st an dien vroagen inzeggen metgeven:
Blifst met dien jachten van mien levent òf!
Haarm Diek (ps. J.D. Plenter, Groningen, 1921-2005)
Uit: Krödde nr. 56, 1995.
Gerelateerde berichten
Winnend Gedicht van de Week van Rens Komduur-Van der Molen →
Bé Schmaal mit cd prizzentoatsie in Toezeboudel →
