Gepubliceerd op 16 januari 2017 | door Jan Glas

Gedicht van de Week van Haarm Diek

Bie störmweer

Störms, dij binnen om
binnen te wezen,
oet t glas te kieken
noar jachtende wolken
vechtende bomen
en striedende stroeken.

In krompen koamer
zuk vaaileg waiten.

Mor aings binnen störms om
boeten te lopen,
zuk luddek vuilen
in t waaiend gebeuren,
mit optrokken scholders
doeknekt omswinden.

Handen in buutsen
van grodere wereld.

Haarm Diek (ps. J. D. Plenter, Groningen, 1921-2005)
Uit: Krödde nr. 38, 1991