Gedicht van de Week van Gré van der Veen

Mien Grootollen

Dou opa doodging
zee opoe: Hai was òf.
t Heurde mie tou of ze
t over n ol-fietse haar.
Ze luit gain troan.

Zes weke loater haar ze zulf
heur leste stoetje had.

Dou ik kieken mog hou
opoe derbie lag, was k bange
dat ze, net as opa, mond
wiedwoagen open hebben zol,
of ze hail haard ho ruip.

Mor dou ik opoe zag,
keek ik allaine mor
of d’klove in heur doeme
nog op t zulfde stee zat,
woar ik dij ook haar.
En joa, hur, hai zat der.

Gré van der Veen (Veendam, 1936)
Uit: Daip, bloumlezen (Profiel, 2008)

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

1 + vier =

Terug naar boven ↑
  • Literatuur activiteiten

    Geen nieuwe activiteiten