Gepubliceerd op 26 november 2018 | door Jan Glas

Gedicht van de Week van Gré van der Veen

t gaait wintern dink ik
as k tou t roet uut kiek
grammietege oostewind
blast wotter bie gulpen
tou ol dakgeude uut
takken zuzoien hinneweer
hier en doar wupt n muske
ons strinde van n kadde
ligt kloar veur n sprang
gras is sjompeg en broen
van bloaren dij zok doar
t leste stee zöcht hebben
in trekplaaister van toene
hoog in top van boom
doeken kander bloots
twij weerboare appels
n dikke mit n lutje

Gré van der Veen (Veendam 1936)
Uit: Krummels is ook brood (R.S.G. Winkler Prins 1979)